ബാബു വർഗീസ്: എൻജിനിയറിംഗിലെ വിജയഗാഥ (മീട്ടു റഹ്മത്ത് കലാം)
ഫ്ലോറിഡ ബോർഡ് ഓഫ് പ്രൊഫഷണൽ എഞ്ചിനീയർസിന്റെ ചെയർമാനായി സേവനമനുഷ്ടിച്ചിട്ടുള്ള ബാബു വർഗീസ്, ബോർഡിലെ ഒരു ദശാബ്ദത്തിലേറെയുള്ള സേവനത്തിനു ശേഷം വിരമിച്ചു. 108 വർഷത്തെ ചരിത്രത്തിൽ ബോർഡിന്റെ ചെയർമാൻ സ്ഥാനത്ത് എത്തുന്ന ആദ്യ ഇന്ത്യൻ. 16 മണിക്കൂർ ദൈർഘ്യമുള്ള രണ്ടുദിവസം നീളുന്ന പരീക്ഷയിൽ എഞ്ചിനീയറിംഗ് രംഗത്തെ പരിജ്ഞാനം മുഴുവൻ അളന്ന ശേഷമാണ് ഈ സ്ഥാനത്തെത്തുന്നത്. ബോർഡ് മെമ്പറാകുന്ന ആദ്യ മലയാളി. ഇക്കഴിഞ്ഞ ഡിസംബർ വരെ തുടർച്ചയായി പത്തുവർഷം പ്രസ്തുത സ്ഥാനത്ത് സേവനമനുഷ്ഠിച്ചു. റിക് സ്‌കോട്ട്, റോൺ ഡിസാന്റസ് എന്നീ ഗവർണർമാരാണ് രണ്ടുതവണ നിയമിച്ചത്.
